Cofnodion cyfarfod rhif 37 y Grŵp Trawsbleidiol ar Ddyfrffyrdd

Ystafell Gynadledda 24, Tŷ Hywel, Bae Caerdydd

Dydd Mercher 11 Mehefin 2014

18.10

Aelodau’r Cynulliad yn bresennol:

Nick Ramsay AC (Cadeirydd) (Ceidwadwyr Cymru, Mynwy)

Yn bresennol

Brenda Owen

Richard Owen – Grŵp Perchnogion Pysgodfa Teifi

David Fitzpatrick – Cynnal Cymru

Gwenda Owen – CTC

Margaret Gwalter – Cymdeithas Dyfrffyrdd Mewndirol

Brian Hancock – Cyngor Tref Rhisga

John Gwalter – Cymdeithas Camlas Abertawe

Tom Davies – Cynulliad Cenedlaethol Cymru

Stephen Rowson

Chris Charters – British Outdoor Professionals Association

Nick Worthington – Glandŵr Cymru

Andrew Stumpf – Glandŵr Cymru

Laura Lewis – Glandŵr Cymru

Hazel Bowen – Glandŵr Cymru

Dechreuodd y cyfarfod am 18.15

Eitem 1: Cyflwyniad gan Rhian Jardine, Cyfoeth Naturiol Cymru.

Effaith newid yn yr hinsawdd ar Gymru yn y dyfodol

Amlinellodd Rhian Jardine rôl a chyfrifoldebau Cyfoeth Naturiol Cymru (CNC), sydd ar fin dathlu blwyddyn o fodolaeth. Mae CNC yn dymuno deall effaith newid yn yr hinsawdd a bod yn esiampl o ran sut y mae’n rheoli tir a dŵr i addasu i’w effeithiau a’u lliniaru.

Mae’r cyflwyniad ar gael ar gais gan enquiries.wales@canalrivertrust.org.uk

Sesiwn holi ac ateb

Dr Mark Lang: A oes gan CNC gylch gwaith cymdeithasol?

Rhian Jardine: Oes, mae gan CNC gylch gwaith cymdeithasol ac mae’n gwneud gwaith cymunedol ar hyn o bryd

Nododd Brian Hancock fod caniatâd cynllunio ar orlifdiroedd yn amodol ar lifogydd ‘1 mewn 100 mlynedd’ ar hyn o bryd a bod caniatâd cynllunio yn cael ei roi fwyfwy er mwyn adeiladu ar orlifdiroedd. Hefyd, gofynnodd Brian Hancock a oes rôl i CNC ei chwarae drwy ddweud ‘na’ i ragor o dyrbinau gwynt ac ‘ie’ i ynni adnewyddadwy o ddŵr?

Soniodd David Fitzpatrickam fodel newydd o dyrbin a ollyngir i’r dŵr. Mae gogledd yr Alban yn treialu ‘tyrbin arnofiol’. Hefyd, dywedodd David Fitzpatrick fod yn rhaid inni bwysleisio pwysigrwydd peidio â defnyddio ynni yn y lle cyntaf. Nid yw’r ffordd y mae’r grid yn gweithio yn helpu’r ffordd yr ydym yn defnyddio neu ddosbarthu ynni.

Nick Worthington: Mae’r Ymddiriedolaeth Camlesi ac Afonydd yn gweithio’n agos gyda CNC i sicrhau bod adnoddau dŵr yn gynaliadwy a pheidio â chynyddu’r pwysau ar y cyflenwad dŵr pan roddir ystyriaeth i ymestyn y gamlas.

Eitem 2: Cyflwyniad gan Dr Mark Lang, Canolfan Adfywio Cymru .

Yr Ymagwedd ‘Lle Dwfn’ – symud tuag at gymunedau sy’n gynaliadwy yn gymdeithasol, yn economaidd, yn ddiwylliannol ac yn amgylcheddol

Cyflwynodd Dr Mark Lang ganfyddiadau astudiaeth a gynhaliwyd yn ddiweddar yn Nhredegar i geisio canfod ‘pa fath o economi a chymdeithas sydd angen inni eu creu er mwyn cyflawni cynaliadwyedd economaidd, cymdeithasol, diwylliannol ac amgylcheddol erbyn 2030?’

           Mae’r cyflwyniad ar gael ar gais gan enquiries.wales@canalrivertrust.org.uk

Sesiwn holi ac ateb

Brian Hancock: beth sy’n digwydd i’r gwaith ymchwil hwn?

Dr Mark Lang: Bydd cais am gyllid yn cael ei gyflwyno i ddatblygu’r fethodoleg ymhellach ac ymestyn yr ymchwil. Y bwriad yw y bydd Llanymddyfri a Bae Colwyn yn ffocws ar gyfer y gwaith hwn oherwydd y gwahanol fathau o dlodi y gellir eu gweld yn yr ardaloedd hynny.

David Fitzpatrick: Beth yw’r ymateb lleol i’r gwaith ymchwil hwn?

Dr Mark Lang: Unwaith y bydd y gymuned yn deall cysyniad yr ymchwil, bydd yn dangos ei hymrwymiad drwy ymuno â’r broses, gan gynnwys y Bwrdd Iechyd Lleol, y cyngor lleol ac ati.

Andrew Stumpf: A oes gwersi i’w dysgu o’r astudiaeth y gall yr Ymddiriedolaeth Camlesi ac Afonydd helpu eu cyflawni?

Dr Mark Lang: Mae dyfrffyrdd yn rhannau annatod o’r gymuned a’r economi lleol. Dylem geisio bywiogi’r economi o fewn cymuned yn ogystal â chanolbwyntio ar fentrau Dinas Ranbarth mwy.

Eitem 4: Unrhyw Fater Arall

Dim

Dyddiad y cyfarfod nesaf:  15 Hydref 2014